ဟွံမွဲရီုဗၚ် ဝၚ်ဟွံကျေဝ်

လ္တူညးတၞဟ်ကၠောန် ကၟောန်ဘဝဗၠးၜး
မၞးဂ္ဇံမၚ်ဗဵု ဆဵုဟွံဘိုၚ်ကၠောန်
ကမၠောန်ညးတၞဟ် သှ်ပ္တဴလဝ်စိုတ်
တီဆၜိုတ်ဗဵု မန်လ္ၚဵုတအ်ဂှ်။

ယွံသၟတ်ဟံသာ ဇာတိဇကု
မုဂကူရော ကလောဝံသ
လ္ပတၠိၚ်ကူချပ် ချူဗဒှ်ဝၚ်
ဂွံဗၠးကၠၚ်ဍိက် လ္ပတိက်ရုန်ဂ္စာန်။

ညးကၠောန်ကၠောန်ကီု သီုစိုတ်ဂံၚ်သ္ကာ
လုပ်အာပေါဲဗ္တိုက် ဂွံဗၠးဒိုက်ဍိက်
လ္ပတိက်မၚ်ဗဵု ဂုဏ်ဖဵုဟွံမွဲ
ဒှ်မၞိဟ်မွဲဘွ ပသာ်ဂွံတၟေၚ်ရော။

ဂွံသ္ပအ္စာမှ ဘိုၚ်ကၠောန်လ္ပဒှ်
ညးဂှ်ကၠောန်ကၠောန် ကမၠောန်ဒှ်ဖဵု
ဘိုၚ်က္တဵုကၠောန်အာ ညဳညဳသာသာ
တာလျိုၚ်ကောန်မန် မန်ရဒးကၠောန်။

ဒှ်ကောန်မန်တုဲ စိုတ်အုဲၚံက်စၞာဲ
ဂၠာဲဒုဟ်ပါ်ပါဲ စရာဲနာဲဏောၚ်ပၠိုတ်
အိုတ်ကၞောတ်တဲမ္ဂး ဝၚ်မၞးဟွံကျေဝ်
ပယျေဝ်ရီုဗၚ် ဝၚ်မၞးကျေဝ်ဆာဲ။
ရာမည ရဲမန်