အစဳဇန်သၟတ် ၊ ပရေၚ်ၜိုဟ်လလံ ကေုာံ ပရေၚ်မၞိဟ်ပံၚ်တောဲ

ဂကောံသၟတ်မန်လညာတ်တၟိဝွံ ရန်တၟံကဵု သၟတ်မန်တအ် သ္ဂောံကလိဂွံ ဗဟုသုတ၊ လညာတ် စပ်ကဵု ပရေၚ်ၜိုဟ်လလံ ကေုာံ ပရေၚ်ပံၚ်တောဲ ပ္ဍဲဗွိုၚ်မၞိဟ်ပိုယ်တအ် ဗွဲမညဳသၟဟ် ရန်တုဲ ဓမံက်ကၠုၚ်ရုပ်ရဴ အစဳဇန် တန်ဗ္တောန် သၟတ်၊ ပရေၚ်ၜိုဟ်လလံ ကေုာံ ပရေၚ်မၞိဟ်ပံၚ်တောဲ ဏံ လ္တူဍုၚ်မတ်မလီု ပွိုၚ် (၂) ဂိတု နွံရ။ ပ္ဍဲတန်ဗ္တောန်ဏံဝွံ သၟတ်မန် ညးတြုံ၊ ညးဗြဴ နူဒေသစုၚ်တအ် တိုန်စိုပ်ကၠုၚ်ဗၞတ် (၂၀) တၠနွံရ။ ပ္ဍဲတန်ဗ္တောန်ဏံဝွံ ဗွဲတၟေၚ် ကဵုဖျုန်ကဵု က္ဍိုပ်လိက် ပရေၚ်ၜိုဟ်လလမ် ကေုာံ ပရေၚ်ပံၚ်တောဲကၠောန်ကမၠောန် ကုဗွိုၚ်မၞိဟ် ဗွဲမညဳသၟဟ် တအ်တုဲ ဗပေၚ်ကၠုၚ် ဍာ်ဒကေဝ် ဗဟုသုတ၊ လညာတ် ​ညးတိုန်စိုပ် တအ်ရ။ ပါဲနူကဵု က္ဍိုပ်လိက်ဝွံတုဲ သ္ဇိုၚ်ပရေၚ်အာက္ဍိုပ်၊ မူဝါဒသၟတ်၊ လညာတ်ပရေၚ်ဍုၚ်ကွာန်သ္ဇိုၚ်၊ ပရေၚ်ကောပ်ကာဲနာနာ ကေုာံ အစဳဇန် ဟီုတွံ နူညးစောန်သကီု လ္တူက္ဍိုပ်လိက် နာနာ မပ္တံ ​ဗဟုသုတသၞောဝ်၊ ဂဥုဲၜူမာဲ၊ ပရေၚ်စန္ဒက် တအ်လေဝ် ပါလုပ် ဗွဲမဂၠိုၚ်ရ။