တ္ၚဲဗတိုက်သရိုဟ်ဂဥုဲၜူမာဲ ကေုာံ ကူသာန်သွံရာန်ဟွံမွဲကဵုဗဗွဲဓဝ် အလုံဂၠးကဝ် 

ဂကောံ​သၟတ်မန်လညာတ်တၟိဝွံ ရန်တၟံကဵု ဂွံဆဝ်မ္ၚုဟ်ကဵုပညာ သၟတ် ကေုာံ ညးဍုၚ်ကွာန်တအ် ဂွံပါလုပ် ပံၚ်တောဲ ပ္ဍဲအရာ​ဗတိုက်သရိုဟ်ဂဥုဲၜူမာဲ ကၠောန်ဗဒှ်ကၠုၚ် အသေအဟာန် တ္ၚဲဗတိုက်သရိုဟ်ဂဥုဲၜူမာဲ ကေုာံ ကူသာန်သွံရာန်ဟွံမွဲကဵုဗဗွဲဓဝ် အလုံဂၠးကဝ် ပ္ဍဲဂိတု​ဂျောန် ၂၆ ဂှ်ရ။ ပ္ဍဲအသေအဟာန်ဏံဝွံ ကော်ဘိက်ကၠုၚ် သၚ်၊ တၠပညာ၊ ညးဍုၚ်ကွာန်၊ သၟတ်မန်တအ်တုဲ ဓမံက်ကၠုၚ်ရုပ်ရဴရ။ နကဵုအစဳဇန်ဂမၠိုၚ်ဝွံ သၚ်၊ တၠပညာ​ ကေုာံ သၟာပရေၚ်ဍုၚ်ကွာန်တအ် ဟီုတွံပ္တန်ထ္ၜးလညာတ်ညးတအ် စပ်ကဵုဂဥုဲၜူမာဲ၊ နဲကဲ ဂွံဗတိုက်သရိုဟ်၊ ဂွံရပ်စပ် အတိုၚ်လၟေၚ်သၞောဝ်၊ နဲကဲ ဂွံ​ပံၚ်တောဲ ကဵုပညာ ပံၚ်တောဲဓမံက်ရုပ်ရဴ တအ်တုဲ ညးတိုန်စိုပ်တအ်ဂမၠိုၚ် သၟာန်သၟုက် ညးဟီုတွံ တအ်နွံရ။ ပ္ဍဲ​အသေအဟာန်ဏံဝွံ ညးတိုန်စိုပ် ဗၞတ် (၂၀၀) တၠ နူခမဳသၚ်၊ တၠပညာ၊ ညးဍုၚ်ကွာန်၊ သၟတ် ပါလုပ်ကီုရ။