အစဳဇန်ကံက်တၚ်နၚ် ဂဥုဲၜူမာဲ

ဂကောံသၟတ်မန်လညာတ်တၟိဝွံ ရန်တၟံကဵု ဂွံတီကေတ်အကာဲအရာ သုၚ်စောဲဂဥုဲၜူမာဲ ဗွဲတၟေၚ် အကြာသၟတ်မန် ပ္ဍဲဒေသမန် တုဲ စဳဇန်လဝ် ကမၠောန်ကံက်တၚ်နၚ် ဂဥုဲၜူမာဲဝွံရ။ အစဳဇန်ကံက်တၚ်နၚ်ဏံဝွံ ကၠောန်ဗဒှ်ကၠုၚ် ပ္ဍဲပွိုၚ်ဍုၚ်ရေဝ်၊ မုဟ်ဍုၚ်၊ ဇြပ်ဗု၊ ပံၚ်၊ တကအ်ခၟိုၚ်၊ ကျာ်မြဟ် တအ်ရ။ ဂွံတၚ်နၚ် ရမျာၚ် နူသၟတ်တအ်တုဲမ္ဂး သွက်ဂွံချူပ္တိတ်အာ လိက်ဒုၚ်ရေၚ် စပ်ကဵု အကာဲအရာဂဥုဲၜူမာဲ ပ္ဍဲဒေသမန်မွဲရ။ ပ္ဍဲကဵု အခန်သၟာန် ကံက်တၚ်နၚ်တအ်ဂှ် အကာဲအရာသုၚ်စောဲဂဥုဲၜူမာဲ၊ ဗီုပြၚ်သုၚ်စောဲ၊ ဂကူဂဥုဲသုၚ်စောဲ၊ ဟိုတ်ဂွံသုၚ်စောဲ၊ အကာဲအရာရပ်စပ်လ္တူ ညးသုၚ်စောဲ၊ သွံရာန်၊ နဲကဲ ဂွံပံၚ်တောဲဗတိုက်သရိုဟ် တအ်ပါလုပ်ရ။