နဲစန္ဒက်သၟတ် ယဝ်ဗိုန်ဗတ်မ္ဂး

ယွံသၟတ်တ္ၚဲဏံ လ္ပပၠအ်မံၚ်အခိၚ် လ္ပဝိဝိၚ်မံၚ်
ညးဇၞော်လးဂၠံၚ် ရံၚ်လ္ၚတ်ကေတ်လျိုၚ် စသိုၚ်ဗၠးၜး
သၟတ်ဟွံတီလျိုၚ် နွံဂၠိုၚ်ကၠုၚ်တှေ် သှေ်ဂၚ်ဟဳပြး
လျိုၚ်စွံလ္တူပၞး စၞးမွဲကုမွဲ တံၚ်တဲဂံၚ်ဂံၚ်။

ဆဵုဗၠေတ်ညာတ်ဒုဟ် မ္ၚုဟ်ဒၟံၚ်ဒေါသ ပွဏံမုတၟေၚ်
ညံၚ်သ္ဂောံခိုဟ်ဟေၚ် စဳရေၚ်ကဵုမ္ဂး ဂၠံၚ်ဇၞးဂွံဆဵု
လျိုၚ်ဂကူဂှ် သၟဟ်နွံမံၚ်ဖအိုတ် ကၠေံစိုတ်ယိုက်ယဵု
ဍုၚ်မန်နွံမ္ၚဵု မိက်ဆဵုဒၟံၚ်မ္ဂး မၞးဒးယိုက်ဂၠေၚ်။

သၟတ်ယဝ်ၜူမာဲ ဒၞါဲထပ်စၞးဟၟဲ နဲဏံကၠေံကၠက်
ညံၚ်သ္ဂောံသှ်ၜေက် ဆက်တၞောဝ်မန်တၟိ တိမန်နွံရှ်
သၟတ်ဂ္စါန်ပညာ ပြာထာရးမန် ဌာန်ဗ္ဒန်မံၚ်ဂှ်
မံက်တိုန်ဂဵုမြဟ် ပ္ဍဲက္ဍဟ်ညာတ်ကၠး ထ္ၜးဂၠံၚ်ဆက်ဆက်။

က္ဍိုပ်သ္ကိုပ်အဆက် နဲစန္ဒက်သၟတ် ယဝ်ဗိုန်ဗတ်မ္ဂး
ဒါတ်တိၜိုန်ဗၠး ဗၠးၜးဂကူဂှ် ဒှ်မာန်ဟွံဝါတ်
ခေတ်ပ္ကောံဇြဟတ် တတ်ထပါ်အာ ထ္ၜးဏာစိုတ်ဓါတ်
စိုတ်နာဲကဵုကာတ် လညာတ်ကဵုတပ် ဒှ်ဂြပ်ၚုဟ်မး။

        ဝဳရိယဟံသာ (အနေၚ်)